|
Cinema
Para os vindeiros meses de outubro e novembro o Museo Etnolóxico organizou un ciclo de cine no que se proxectaran oito películas documentais, todas elas de produción galega, que abordan desde un punto de vista histórico e etnográfico diferentes temas da nosa terra.
Oficios como o de torreiro ou o de médico rural, a historia do psiquiátrico de Conxo ou a emigración, entre outros, teñen presenza nestes filmes.
A boa parte das proxeccións asistirán os directores destas películas e establecerase un debate ao final no que os asistentes poderán preguntar e comentar calquera cuestión sobre estes documentais.