O Departamento de Restauración conta cun taller onde se realizan numerosas restauracións de diferente natureza correspondentes coa diversidade das coleccións do Museo. Salientar as intervencións en material fotográfico e patrimonio téxtil, unha das especialidades potencialmente máis complexas no ámbito da restauración. Dende este departamento avalíanse os riscos de deterioración das coleccións e establécense protocolos para garantir a súa conservación.
