Celebramos o próximo Día Internacional do Libro cunha acción de liberación de libros tamén coñecida como Bookcrossing! 
A Biblioteca do Museo Etnolóxico participa xunto con case medio cento de bibliotecas de museos e centros de arte nesta liberación de libros este 21 de abril grazas á iniciativa do Atrium Museoa.
Que é a liberación de libros? É unha iniciativa que permite ás persoas amantes dos libros compartir os seus exemplares con outros lectores de maneira gratuíta, fomentando a lectura colaborativa e a creación de comunidade. Os libros liberados levan unha etiqueta que fai referencia á participación no movemento Bookcrossing e anima a rexistralos en www.bookcrossing.com e liberalos novamente unha vez utilizados, promovendo a sustentabilidade e a reutilización de libros.
Poderás atopar libros de diferentes xéneros, deixados deliberadamente non só na zona do Ribeiro, senón por máis vilas e cidades de Galicia… Un tesouro literario esperando a ser atopado!
Unha oportunidade única para descubrir novas lecturas, explorar diferentes xéneros e ampliar os teus horizontes literarios. 
Esperámoste nas rúas para celebrar o Día Internacional do Libro con esta experiencia de Bookcrossing! 