Bens museográficos

As coleccións que custodia o Museo reúnen materiais de interese etnográfico, este feito da coma resultado unha ampla e variada tipoloxía de fondos museográficos.

Neles pódense atopar obxectos procedentes, sobre todo, do contexto rural e vilego anteriores á introdución dos medios de produción industrial.

Destacan as coleccións de indumentaria, olería, pesca fluvial e carpintería, pero tamén pódense atopar xoguetes, elementos asociados á tracción animal como xugos, elementos vinculado á fotografía, á artesanía, ó comercio, á vida cotiá, etc.

Coñece un pouco máis algunhas pezas, conservadas na sala de reserva do museo, mediante os seguintes videos:

Achégate ao mundo do cine no Ribeiro a través dunha colección moi especial de programas de man que forma parte do legado Meruéndano depositado no museo.

O téxtil ten un peso considerable na colección do Museo Etnolóxico. Proba disto é a colcha ou cobertor que vos queremos achegar hoxe a través deste vídeo. Este cobertor, regalo persoal do etnógrafo e historiador ourensán Xaquín Lorenzo “Xocas” á doante da peza, é unha mostra fantástica de teceduría artesá que permite achegarnos ao amplo campo do téxtil tradicional

Nesta ocasión a peza escollida é unha cadeira de barbeiro que chegou ao museo desde o concello de San Amaro como froito dunha doazón. A diferenza das cadeiras de barbear de produción industrial, o que fai especial este moble é a súa manufactura totalmente artesanal.

Aquí podedes aprender un pouco máis sobre o batedor de leite.