Do
19 de Marzo do 2015
al
12 de Abril do 2015
No Museo de Pontevedra Edificio Sarmiento poderase visitar do 19 de marzo ao 12 de abril de 2015 a exposición: Faustino Santalices. Tradición musical galega, organizada polo Museo Etnolóxico en 2010 e comisariada por Cástor Castro Vicente e Félix Castro Vicente e coa colaboración da familia de Faustino Santalices, propietaria da maioría do patrimonio exposto.
A mostra recolle a vida e obra do investigador, artesán e intérprete ourensán a través de diversos paneis explicativos, documentos, arquivos sonoros e unha serie de instrumentos musicais galegos como zanfonas ou gaitas.
Podedes ver un vídeo, producido por Cástor e Félix Castro, da exposición no Museo Etnolóxico AQUÍ.
A exposición vai acompañada dun catálogo, editado pola Xunta de Galicia, que completa a exposición, na que se destaca o perfil do investigador, musicólogo, intérprete da gaita e a zanfona, divulgador, publicista e sobre todo o activista cultural do patrimonio etnomusical galego.
No enlace podedes ver o sumario e as primeiras páxinas escritas por Xosé Carlos Sierra, director do Museo Etnolóxico.