“San Cipriano” o Mago. De oracións, ciprianillos e tesouros.

Catálogo da exposición temporal producida polo Museo Etnolóxico e comisariada por Félix Castro Vicente na que se reúnen libros, gravados, obxectos, literatura de cordel da colección particular do comisario e do Arquivo Castro Vicente, destacando a colección de "Ciprianillos" ou libros de san Cipriano con edicións de todo mundo. O obxectivo da exposición é achegar ao público a figura de San Cipriano, figura lendaria que reúne na súa persoa a condición de santo e mago, así como difundir os costumes e tradicións relacionadas coa maxia e as supersticións.