Ribadavia no seu patrimonio relixioso

Ribadavia destaca pola súa fonda tradición relixiosa, contando con catro parroquias, un santuario, dous conventos, dúas capelas, unha fundación, petos e cruceiros. Ata mediados do s.XX coexistiron no territorio as dioceses de Tui e Ourense,deixando valiosas mostras artísticas. Esta exposición busca resaltar a responsabilidade de conservar estes bens e descubrir unha Ribadavia chea de sorpresas. A mostra inclúe tallas devocionais, ourivaría e libros sacramentais, conformando unha selección que pon en valor un importante legado patrimonial.

No século XIII xorden as ordes mendicantes como reacción á vida monacal illada. O convento de Santo Domingo foi o segundo desta orde en establecerse en Galicia, relacionando a súa fundación coa predicación de frei Pedro González. No caso dos franciscanos, estes asentáronse en Ribadavia a finais do século XIV.
 

Historicamente, a parroquia tivo un papel moi importante á hora de xerar sentimentos identitarios e de pertenza arredor do ciclo litúrxico anual. Estes lazos establecidos entre os fregueses e a súa parroquia propicia a producción de obxectos destinados ao culto e ao embelecemento dos templos.
 

O culto mariano da vila organízase ao redor da Nosa Señora do Portal e Nosa Señora da Oliveira. A devoción por esta última está documentada dende o s. XII mentres que o culto á Virxe do Portal xurdiu no século XVIII e foi impulsado pola orde dominica.

En 1903 as catro parroquias converteronse en unha soa que perdura na actualidade. A historia relixiosa de Ribadavia asentase sobre un patrimonio material e inmaterial de valor histórico e antropolóxico, ao tempo que a relixiosidade local se transmite de xeración en xeración.