Foto nun exterior dun neno de pé, diante dunha saba que sostén un home tocado cunha pucha.
Negativo con dúas fotografías nun exterior, a da esquerda aparece unha nena de pé nunhas escaleira sostendo unha boneca e a seu carón un can; na da dereita aparecen dous homes e unha muller cun tenreiro. Realizadas no lugar de Outeiro do Cabo (Asadur, Maceda).
Acerca do autor desta colección apenas podemos facer suxestións; probablemente se trata de Salvador López, natural de Curuxas, Santa Mariña de Asadur, Maceda, Ourense; que ao seu retorno de Cuba teríase dedicado á fotografía ambulante, sendo habitual a súa presenza nas feiras da comarca entre os anos 1950 e a década de 1970. Na súa obra predominan as fotografías de familia sobre outro tipo: bautizos, primeiras comuñóns, vodas, etc. chamando a atención a proporción de imaxes de muller con nenos, que fan pensar en fotografías destinadas a enviar a parentes emigrados; o fondo inclúe tamén algunhas imaxes do mundo do traballo.